रूकुम पश्चिमकाे मुसीकाेट नगरपालिका ८ मा नेकपा माओवादी केन्द्रको भातृ संगठन योङ्ग कम्युनिष्ट लिग (वाइसीयल) नेपालको वडा भेला सम्पन्न भएको छ । आज वडाको गर्पाधुरीमा भएको युवाहरुको भेलाले वायसीयलको नयाँ वडा नेतृत्व चयन गरेको छ ।फलबहादुर रोकामगरको अध्यक्षतामा ५२ सदस्यीय समिति गठन गरिएको हो । जसको उपाध्यक्षमा वासुदेव बुढा र शसिराम ओली, सचिवमा हिमकुमार पाण्डे, सह सचिवमा राजु घर्ती र हरिजंग पुन तथा कोषाध्यक्षमा झरना बढा रहनुभएको छ । 

त्यस्तै युवाहरुको भेला मार्फत नेपाली कांग्रेस परित्याग गरी कालीबहादुर ओली माओवादी केन्द्रमा प्रवेश गरेको वाइसीयलका मुसीकोट इन्चार्ज डम्बर थापाले जानकारी दिनुभयो । २०४० सालदेखि कांग्रेस सदस्य बनेका ओली माओवादीमा प्रवेश गरेको उहाँको भनाई छ । 

मनबहादुर गिरीको अध्यक्षतामा भएको भेलामा वाइसीयलका मुसीकोट नगर इन्चार्ज थापाको प्रमुख आतिथ्यता रहेको थियो । त्यस्तै भेलामा नेकपा माओवादी केन्द्रका नगर उपाध्यक्ष बुद्धिप्रसाद बुढा, वाइसीयलका जिल्ला सचिवालय सदस्य अनिल खड्का, वाइसीयलका नगर सचिव राजु विक, पार्टीका नगर सदस्य विष्णु रेउले, वडा उपाध्यक्ष जयलाल पुनको पनि आतिथ्यता रहेको थियो । भेलाको संचालन वासुदेव बुढाले गर्नुभएको थियो ।