१ सय १२ औं अन्तराष्ट्रिय नारी दिवसको अवसरमा रुकुम पश्चिमको मुसीकोट नगरपालिका १ खलंगामा आयोजित महिला भलिबलमा फेन्सी पसल टिम प्रथम भएको छ । बराहटाकुरामा आज बिहान भएको फाईनल खेलमा खलंगाको त्रिभुवन जनता माविलाई पराजित गर्दै फेन्सी पसल प्रथम भएको हो ।
त्रिभुवन जनता मावि फाईनलमा ३–० ले पराजित भएको हो । प्रथम हुने फेन्सी पसल टिम मुसीकोट १ ले २२ हजार नगद, मेडल र कप हात पारेको छ । द्धितिय भएको त्रिवभुवन जनता माविले नगद १५ हजार, मेडल र कपमा चित्त बुझाएको छ । समिफाइनल सम्म पुग्ने दुई टिमले समेत नगद १०÷१० हजार पुरस्कार पाएका छन् ।
मुसीकोट नगरपालिका वडा नम्बर १० को टिम र कर्मचारीको टिम प्रतियोगिताको सेमिफाईनल पुगेका थिए । प्रतियोगितामा मुसीकोट नगरपालिका भित्रका ८ वटा टिमले प्रतिस्पर्धा गरेका थिए । हिजोबाट सुरु भएको प्रतियोगिता लिगकम नकआउट सिस्टममा खेलाईएको थियो ।
नारी दिवसको अवसरमा मुसीकोट नगरपालिकाको महिला, बालबालिका तथा जेष्ठ नागरिक शाखाले प्रतियोगिता आयोजना गरेको हो ।
