संगठन विस्तार अभियान अन्तरगत नेकपा माओवादी केन्द्रको भातृ संगठन योङ्ग कम्युनिष्ट लिग (वाइसीयल)ले मुसीकोट ६ मा नयाँ नेतृत्व चयन गरेको छ । आज भएको युवाहरुको भेलाबाट सरद बिष्टको अध्यक्षतामा ४१ सदस्यीय वाइसीयलको वडा समिति निर्माण गरिएको हो । जसको उपाध्यक्षमा दिपक रावल, लक्ष्मण भण्डारी र बालाराम केसी, सचिवमा जनक गौतम, सह सचिवमा गणेश गौतम, केशव बिक र गणेश बोहरा तथा कोषाध्यक्षमा अन्जु बुढा रहनुभएको छ । भेलाले वडाका ५ टोलमा इन्चार्ज समेत तोकेको छ ।
टोल नम्बर १ मा देवेन्द्र विक, टोल नम्बर २ मा मेघराज ओली, टोल नम्बर ३ मा लक्ष्मण भण्डारी, ४ नम्बर टोलमा जनक बुढा र ५ नम्बर टोलमा इन्चार्जको जिम्मा दिपक केसीले पाउनुभएको छ । भेला वाइसीयलका केन्द्रीय अनुशासन विभाग सदस्य भुषण रावलको प्रमुख आतिथ्यतामा भएको हो ।
नेकपा माओवादी केन्द्रका नेता गोप्यश्वर केसीको विशेष आतिथ्यता रहेको भेलामा पार्टीका नगर उपाध्यक्ष बुद्धिप्रसाद बुढा, वाइसीयलका नगर इन्चार्ज डम्बर थापा, अनेरास्ववियू क्रान्तिकारीका जिल्ला अध्यक्ष तथा पार्टीका वडा इन्चार्ज नारायण केसी, वडा पार्टी अध्यक्ष मिलन बोहरा, नेपाल राष्ट्रिय कर्मचारी संगठनका जिल्ला सचिव चिताराम खड्का, वाइसीयलका नगर सचिव राजु बिक, पार्टी नगर सदस्य अनिल बुढा, बिष्णु रेउले, लगायतको आतिथ्यता रहेको थियो ।
