सिम्रुतु क्याम्पसले विद्यार्थीलाई छात्रवृत्ति प्रदान गरेको छ । रुकुम पश्चिमको त्रिवेणि गाउँपलिकामा रहेको सिम्रुतु क्याम्पसले १२ जना छात्रछात्रालाई छात्रवृत्ति प्रदान गरेको हो । विएड प्रथम वर्षमा अध्ययनरत ६ जना छात्रा र ६ जना छात्रालाई छात्रवृत्ति प्रदान गरिएको क्याम्पसले जनाएको छ ।

अपांगता भएका, गरीब, जेहेन्दार तथा नियमित पठन पाठनमा सहभागि विद्यार्थीलाई छात्रवृत्ति प्रदान गरिएको क्याम्पस प्रमुख सूर्यविक्रम खड्काले जानकारी दिनुभयो । क्याम्पस प्रमुख खड्काका अनुसार ३ जनाले ४  हजार ७ सय, ४ जना विद्यार्थीले ४ हजार र ५ जनाले ७ सय ५० का दरले छात्रवृत्ति प्राप्त गरेका छन् । क्याम्पस सञ्चालक समितिको निर्णय अनुसार छनौट भएका विद्यार्थीले छात्रवृत्ति पाएका हुन् ।