रुकुम पश्चिमको सानीभेरी गाउँपालिका वडा ३ मा क्रिकेट मैदान बनाईएको छ । स्थानीय युवाहरुले सहयोग संकलन गरेर वडाकाे बैरेनीतरामा क्रिकेट खेल्न सकिने मैदान बनाएका हुन् । स्थानीय युवा छविलाल बिष्टका अनुसार १ सय मिटर लम्बाई र ८५ मिटर चौडाई भएको मैदान तयार पारिएको हो ।

मैदानका लागि ४ लाख रुपैंया खर्च भएको उहाँले बताउनुभयो । यसअघि रहेको खाली ठाउँमा माटो भरेर मैदान बनाईएको उहाँको भनाई छ । अव उक्त मैदानमा क्रिकेट खेलाउन सकिने बताईएको छ । यसले आगामी दिनमा क्रिकेट गतिविधि गर्न सहज हुने विश्वास गरिएको छ ।