रुकुम पश्चिमको बाँफिकोट गाउँपालिका वडा नम्बर १० मा नेकपा माओवादी केन्द्रको भातृ संगठन योङ्ग कम्युनिष्ट लिग (वाइसीयल)को वडा भेला भएको छ । आज भएको भेलाबाट वाइसीयल बाँफिकोट १० को नयाँ नेतृत्व चयन भएको छ । सन्देश सिंह के.एस.को अध्यक्षतामा ५१ सदस्यीय वडा समिति निर्माण गरिएको हो । जसको उपाध्यक्षमा विकास बुढा मगर, बिमला गिरी र देवबहादुर गिरी रहनुभएको छ । त्यस्तै सचिवमा डिल्लीरमण दाहाल र कोषाध्यक्षमा पार्वति बिक चयन हुनुभएको छ । 

भेलामा वाइसीयलका गाउँपालिका इन्चार्ज सौरभ केसी, संयोजक भुवन बिक, नेकपा माओवादी केन्द्रका वडा इन्चार्ज तारा बुढा केसी, पार्टीका गाउँपालिका सदस्य तिलकबहादुर खड्का, देउमान ओली र अनेरास्ववियू क्रान्तिकारीका प्रदेश सदस्य भुपाल बुढाको आतिथ्यता रहेको थियो । भुपाल रसाईलीको अध्यक्षतामा भएको भेलाको संचालन डिल्लीरमण दाहालले गर्नुभएको थियो ।