नेपाल कम्युनिष्ट पार्टी माओवादी केन्द्र बाँफिकोट गाउँ समिति रुकुम पश्चिमको बैठक बसेको छ । ४ नम्बर वडा स्थित सहिद स्मृति भवनमा जारी बैठकमा विभिन्न विषयमा छलफल भइरहेको छ । बैठकमा सबै वडाबाट रिर्पोटिङ गरिएको छ । बैठकमा माओवादी केन्द्रको रुकुम पश्चिम-डोल्पा कमाण्ड इन्चार्ज राजकुमार शर्मा, केन्द्रीय सदस्य तथा रुकुम पश्चिम इन्चार्ज वसन्तकुमार शर्मा, नेता महेन्द्र केसीले प्रशिक्षणमूलक मन्तव्य राख्नुभएको थियो ।

बैठकमा नेताहरु कलबहादुर नाथ, चन्द्रबहादुर शाही, धर्मबहादुर केसी, मनबहादुर वादी, दिपेन्द्रबहादुर मल्ल लगायतको आतिथ्यता रहेको थियो । पार्टी अध्ययक्ष चन्द्रबहादुर केसीको अध्यक्षतामा सुरु भएको बैठकमा सचिव हर्कु मल्लले गरिरहनु भएको छ । बैठकले निर्वाचन परिचालन समिति गठन, भेला सम्मेलन हुन बाँकी रहेका जनवर्गिय संगठनका भेला, सम्मेलन गर्ने लगायतका विषयमा निर्णय हुने अध्यक्ष केसीले जानकारी दिनुभयो ।