नेकपा माओवादी केन्द्रको भातृ संगठन योङ्ग कम्युनिष्ट लिग (वाइसीयल) नेपाल मुसीकोटले नगरपालिकाको ३ नम्बर वडामा समिति बनाएको छ । आज बिहान भएको युवाहरुको भेलाबाट गोपाल कसेराको अध्यक्षतामा ३१ सदस्यीय समिति निर्माण गरिएको हो । जसको उपाध्यक्षमा रामसिंह ठकुरी र डम्बर गुरुङ, सचिव कबिता पुन, सह सचिव प्रकाश बिक र कोषाध्यक्षमा प्रकाश डाँगी चयन हुनुभएको छ । आकाश बिकको अध्यक्षतामा पिपलनेटामा भएको भेलाको संचालन गोपाल कसेराले गर्नुभएको थियो । 

भेलामा वाइसीयल नेपाल मुसीकोटका इन्चार्ज डम्बर थापाको प्रमुख र नेकपा माओवादी केन्द्रका प्रदेश समिति सदस्य बुद्धिप्रसाद गौतमको विशेष आतिथ्यता रहेको थियो । त्यस्तै भेलामा पार्टीका वडा इन्चार्ज लोकबहादुर ददेल, वडा समिति अध्यक्ष राजु बिक लगायतको आतिथ्यता रहेको थियो । 

यसैविच नेकपा माओवादी केन्द्र मुसीकोट ३ को पार्टी कार्यालय उद्घाटन गरिएको छ । पार्टीका प्रदेश समिति सदस्य बुद्धिप्रसाद गौतमले वडाको पिलनेटामा पार्टीको वडा कार्यालयको उद्घाटन गर्नुभएको हो । पार्टी कार्यालय स्थापना गरिएपछि अव पार्टीका गतिविधि संचालनमा सहजता आउने नेकपा माओवादी केन्द्र मुसीकोट ३ ले विश्वास लिएको छ ।