रुकुम पश्चिम तत्कालका लागि कोरोना मुक्त भएको छ । जिल्लामा अहिलेसम्म पत्ता लागेका कोरोना भाईरसका सबै संक्रमित निको भएका छन् । जिल्लामा संक्रिय कोरोना संक्रमितको संख्या शुन्यमा झरेको छ । अहिलेसम्म कुल २ सय ६१ जनामा कोरोना भाईरसको संक्रमण पुष्टि भएकामा सबै निको भएर घर फर्किएका हुन् । स्वास्थ्य सेवा कार्यालयका अनुसार हालसम्म कोरोना संक्रमण पुष्टि हुनेमा १ सय ९६ जना पुरुष रहेका छन् भने ६५ जना महिला रहेका छन् ।

गत वर्षको चैत्र देखि अहिलेसम्म जिल्लामा कुल १० हजार ९ सय २४ जनामा पिसिआर विधिबाट कोरोना जाँच गरिएको स्वास्थ्य सेवा कार्यालयका कोरोना रोग नियन्त्रण फोकल पर्शन इश्वर रावलले जानकारी दिनुभयो । त्यस्तै जिल्लामा एक जना कोरोना संक्रमितको मृत्यु भएको उहाँले बताउनुभयो । ३ जना जटिल समस्या भएका संक्रमतिहरुलाई भने जिल्ला बाहिर रिफर गरिएको थियो । हाल भने जिल्लामा स्वाव संकलन रोकिएको छ । जोखिम कम देखिएकाले स्वाव संकलन रोकिएको बताईएको छ ।