वाइसीयल रुकुम पश्चिम मुसीकोट नगरपालिकाले वडा नम्बर १२ मा पनि वाइसीयलको वडा समिति गठन गरको छ । आज भएको युवाहरुको भेलाबाट गोपाल ओलीको अध्यक्षतामा ९१ सदस्यीय वडा समिति गठन गरिएको हो । जसको उपाध्यक्षमा युवराज ओली, सुरेश बुढा र लालबहादुर खड्का, सचिवमा दिपक विक सचिव, सह सहचिवमा हस्तबहादुर नेपाली, बलबहादुर खड्का र सुरेश ओली तथा कोषाध्यक्षमा कमला ओली रहनुभएको छ । वाइसीयलका वडा इन्चार्ज रमेश आग्रीको संयोजकत्वमा ९१ सदस्यीय निर्वाचन परिचालन समिति पनि गठन भएको छ । 

वाइसीयलका केन्द्रीय अनुशासन समिति सदस्य भुषण रावलको प्रमुख र नेकपा माओवादी केन्द्रका कर्णाली प्रदेश समिति सदस्य बुद्धिप्रसाद गौतमको विशेष आतिथ्यतामा भेला भएको हो । भेलामा नेकपा माओवादी केन्द्र मुसीकोटका अध्यक्ष धिरन शिर्पाली, वाइसीयलका मुसीकोट इन्चार्ज डम्बर थापा, सहिद परिवार शेनुराम ओली, नगर पार्टी सदस्य लालबहादुर शिर्पाली, दिपककुमार ओली, नगरबहादुर ओली, वडा पार्टी अध्यक्ष भरत ओली, उपाध्यक्ष रामबहादुर खड्का, जेष्ठ नागरिक मञ्चका सदस्य मनवहादुर ओली, वाईसीयल वडा इन्चार्ज रमेश आग्री लगायतको पनि उपस्थिति रहेको थियो ।