Kakhara सबैको खबर सम्पूर्ण खबर
नेराकस त्रिवेणीको बैठक, अन्तरक्रिया तथा प्रशिक्षण कार्यक्रम सम्पन्न

नेपाल राष्ट्रिय कर्मचारी संगठन त्रिवेणि गाउँपालिका रुकुम पश्चिमको बैठक, अन्तरक्रिया तथा प्रशिक्षण कार्यक्रमम सम्पन्न भएको छ । त्रिवेणी गाउँपालिकाको सभाहल खारानेटामा संगठनको पहिलो सम्मेलनपछिको पहिलो बैठक, अन्तरक्रिया तथा प्रशिक्षण कार्यक्रम सम्पन्न भएको हो । कार्यक्रममा संगठनको इतिहास, औचित्य लगायतका विषयमा प्रशिक्षण दिइएको थियो ।

पार्टीका तर्फबाट पनि नेताहरुले जनतालाई कसरी सहज सेवा पुर्याउन सकिन्छ भन्ने विषयमा पनि छलफल भएको संगठनका त्रिवेणि गाउँपालिका अध्यक्ष विरबहादुर डाँगीले जानकारी दिनुभयो । नेकपा माओवादी केन्द्रका केन्द्रीय सदस्य राजकुमार शर्माको प्रमुख आतिथ्यतामा कार्यक्रम भएको हो । कार्यक्रममा माओवादी केन्द्रका कर्णाली प्रदेश सदस्य झक्कुप्रसाद घर्ती मगर, गणेशकुमार केसी, मोहनकिशोर ओली, निर्मला विष्टको पनि आतिथ्यता रहेको थियो ।

पार्टी गाउँपालिका अध्यक्ष गणेशबहादुर खड्का, उपाध्यक्ष कर्णबहादुर खड्का, सुन्दर ओली, कोषाध्यक्ष राजेन्द्र पुन, पार्टीको गाउँपालिका सचिवालय सदस्य मिनराज ओली लगायतको आतिथ्यता रहेको थियो । कार्यक्रममा नेपाल राष्ट्रिय स्वास्थ्यकर्मी संगठन कर्णाली प्रदेश सदस्य इश्वर रावल लगायतको पनि आतिथ्यता रहेको थियो । 
 

प्रकाशित मिति: शनिबार, चैत ५, २०७८  १८:०२
प्रतिक्रिया दिनुहोस्
Weather Update