नेपाल कम्युनिष्ट पार्टी माओवादी केन्द्र जिल्ला समन्वय समिति रुकुम पश्चिमको बैठक आज बस्दै छ । दिउँसो १ बजेपछि मुसीकाेट नगरपालिका ५ शेरिगाउस्थित सहिद प्रतिष्ठानको हलमा बैठक डाकिएको छ । चुनाव लक्षित निर्णय तथा अरु समसामयिक विषयमा छलफल गर्न बैठक डाकिएको जिल्ला संयोजक गोविन्द रोका विज्ञानले जानकारी दिनुभयो । बैठकमा सहभागि हुनका लागि माओवादी नेता तथा अर्थमन्त्री जनार्दन शर्मा जिल्ला आइपुग्नु भएको छ ।

बैठकलाई नेता शर्माले सम्बोधन गर्ने र आवश्यक निर्देशन दिने बताइएको छ । जिल्ला समन्वय समितिको बैठक पूर्व कर्णाली प्रदेशमा प्रतिनिधित्व गर्ने नेताहरुको बैठक बसेको छ । बैठकले ऐजेण्डा तयार पार्ने र अरु तयारी गर्ने बताइएको छ । जिल्ला समन्वय समितिको बैठकमा पालिकाका पार्टी पदाधिकारी समेत सहभागि हुने छन् ।