रुकुम पश्चिमको बाँफिकोट गाउँपालिका वडा नम्बर ४ मा नेकपा माओवादी केन्द्रको सहायक संगठन योङ्ग कम्युनिष्ट लिग (वाइसीयल) नेपालको वडा समिति निर्माण गरिएको छ । युवाहरुको भेलाले गोपाल बिकको अध्यक्षतामा ५५ सदस्यीय समिति गठन गरेको हो । 

जसको उपाध्यक्षमा राजन. बिक र हरिराम जैसी, सचिवमा कुशल गिरी, सह सचिवमा पोषण मल्ल र कोषाध्यक्षमा सन्ध्या थापा रहनुभएको छ । शेरबहादुर ओलीको अध्यक्षतामा भएको भेलामा नेकपा माओवादी केन्द्र बाँफिकोट गाउँपालिका अध्यक्ष चन्द्रबहादुर केसीको प्रमुख आतिथ्यता रहेको थियो । 

पार्टीका गाउँ समिति सचिवालय सदस्य खेमप्रसाद पुरी, गाउँ समिति सदस्यहरु रिता जैसी, सीता खड्का, शशिराम रिजाल, कमल दाहाल वाइसीयलका जिल्ला सदस्य शेरबिर बिक, अनेरास्ववियू क्रान्तिकारी बाँफिकोट गाउँ समिति उपाध्यक्ष शशिराम दाहाल लगायतको उपस्थिति रहेको प्रेस सेन्टर बाँफिकोटका सदस्य शंखर दाहालले जानकारी दिनुभयो ।