रुकुम पश्चिमको मुसीकोट नगरपालिका वडा नम्बर १ को सरस्वति मावि सल्लेमा अनेरास्ववियू क्रान्तिकारीको मावि इकाई समिति गठन गरिएको छ । आज भएको बिद्यार्थी भेलाबाट दिनेश पुनमगरको अध्यक्षतामा ३३ सदस्यीय समिति गठन गरिएको हो । 

जसको उपाध्यक्षमा कल्पना बिक, माईकल बुढामगर र बिशाल खत्री, सचिवमा मिलन बुढाथोकी, सह सचिवमा आकृति थापा, बिज्ञान महर र करिष्मा बुढाथोकी तथा कोषाध्यक्षमा सुनिल बुढामगर चयन हुनुभएको छ । 

त्यस्तै कक्षा ८, ९ र १० मा कक्षा इकाई समिति समेत गठन गरिएको छ । अनेरास्ववियू क्रान्तिकारीका जिल्ला उपाध्यक्ष तथा मुसीकोट नगर इन्चार्ज बिशाल बिष्ट, जिल्ला सदस्य तथा नगर उपाध्यक्ष खिमला पुन मगर, नगर सदस्य दीपा ओली, खुमराज ओली र चन्द्र ओलीको उपस्थितिमा संगठन विस्तार गरिएको हो ।