रूकुम पश्चिमकाे मुसीकाेट नगरपालिका वडा नम्बर ४ काे साँखखाेलामा अवैध रूपमा ढुंगा उत्खनन् गरिरहेकाे डाेजर नगरपालिकाले नियन्त्रणमा लिएकाे छ । नगरपालिकाबाट अनुमति नलिई ढुंगा निकालि रहेकाे डाेजर आज नगरपालिकाले नियन्त्रणमा लिएकाे हाे ।
बैरागिठाँटी-गर्पाधुरी सडक निर्माण गरिरहेकाे खड्का कृष्ण-बंगलामुखि जेभिकाे डाेजरले ढुंगा निकालिरहेकाे भेटिएपछि नगर राजश्व शाखा र नगर प्रहरीकाे संयुक्त टाेलीले डाेजरकाे साँचाे नियन्त्रणमा लिएकाे हाे । आवश्यक प्रकृया पूरा गरेपछि डाेजर दिने नगरपालिकाले जनाएकाे छ । नगरपालिकामा रहेका नदी, खाेला तथा खानीहरूमा अवैध उत्खनन् भईरहेकाे गुनासाे आएपछि नगरपालिकाले अनुगमणलाई बढाएकाे छ ।
त्यस्तै आजै खटिएर गएकाे टाेलीले वडा नम्बर ९ काे हाेल्तारा र वडा नम्बर ४ काे साेलाबाङमा अनमति नलिई क्रसर उद्याेग समेत संचालन गरिरहेकाे फेला पारेकाे छ । दुवै उद्याेगलाई एक साता भित्र नगरपालिकामा आई अनुमति लिन निर्देशन दिईएकाे छ । यसाे नभए कारवाही हुने नगरपालिकाले चेताबनी दिएकाे छ ।
