रुकुम पश्चिमको त्रिवेणी गाउँपालिका वडा नम्बर ९ सालघारीका तप्तबहादुर रावलको भारतको गाेवामा सवारी साधनले ठक्कर दिदा मृत्यु  भएको छ । साेमबार बिहान साढे ६ बजेतिर ड्युटी सकेर कोठा फर्किने क्रममा गोवा स्थित मजिस्टेड होटेल नजिकै गाडीले ठक्कर दिँदा रावलकाे घटना स्थलमै मृत्यु भएको हो । 

उहाँको सोमबार  गोवामै भाईबन्धु तथा संघ संगठनका प्रतिनिधि लगाएतले दाहसंस्कार गरेको नेपाल मजदुर समाज गोवाका इन्चार्ज प्रेम सिर्पालिले बताउनुभयो । सिर्पालीकाे पहलमा सहयाेग समेत संकलन भइरहेकाे छ ।मृतकका घरपरिवारलाई ७० हजार  रूपैंया पठाउने तयारी गरेको उहाँले बताउनुभयो । मृतक ४० बर्षिय रावलका घरमा  श्रीमती, २ छोरा र २ छोरी छन । उहाँ गत मंसिसरमा रोजगारीको लागि भारतको गाेवा जानुभएको थियो ।