रुकुम पूर्वको सिस्ने गाउँपालिका वडा नम्बर ३ मा वाइसीयलको वडा समिति गठन भएकाे छ । नेकपा माओवादी केन्द्रकाे पार्टी कार्यालय पाङ्गामा भएकाे युवाहरुको भेलाले भरत खड्काको अध्यक्षतामा २५ सदस्य वडा समिति गठन गरेको हो ।जसको उपाध्यक्षमा बलबहादुर खत्री, प्रकाश खड्का र टेकबहादुर खड्कालाई चयन गरियको छ । त्यस्तै सचिवमा रेनुका खड्का, सह सचिवमा बिनोद केसी र कोषाध्यक्षमा जुद्बविर सुनारलाई रहनुभएकाे छ । 

उक्त समितिले आगामी निर्वाचनलाई लक्षित गर्दै युवाहरुलाई परिचालन गर्ने निर्णय पनि गरेको छ । वाइसीयल सिस्ने गाउँपालिका इन्चार्ज दत्तबहादुर खत्री सगरमाथाको अध्यक्षतामा भएकाे भेलामा सिस्ने गाउँपालिका उपाध्यक्ष गोबरधन बुढा, पार्टीका वडा इन्चार्ज गोपिराम खड्का, पार्टीका वडा अध्यक्ष नन्दाराम लामिछाने, सिस्ने गाउँपालिका पार्टी सदस्य लोकेन्द्र खड्का लगायतको उपस्थित रहेको थियाे । कार्यक्रमको सञ्चालन अनेरास्ववियू क्रान्तिकारीका जिल्ला सदस्य अम्मर खत्रीले गर्नुभएको थियो ।