रुकुम पश्चिम र रुकुम पूर्वमा नयाँ प्रहरी प्रमुख खटाईएका छन् । काज सरुवा मार्फत नयाँ प्रहरी प्रमुख खटाईएका हुन् । रुकुम पश्चिममा डिएसपी विष्णु सोतीको सरुवा भएको छ । हालका डिएसपी ध्रुवकुमार श्रेष्ठको काठमाडौं उपत्यका शसस्त्र प्रहरी गण नम्बर २ महाराजगञ्जमा काज सरुवा भएको छ ।

रुकुम पूर्वमा डिएसपी प्रकाश डाँगीलाई खटाईएको छ । रुकुम पूर्वका हालका डिएसपी गणेशबहादुर श्रेष्ठको प्रहरी प्रधान कार्यालय अपराध अनुसन्धान विभागमा सरुवा भएको छ । त्यस्तै जाजरकोटमा सन्तोष निरौला प्रहरी प्रमुखको रुपमा आउनेहुनुभएको छ । हालका डिएसपी मधुकुमार थापाको बागमति प्रदेश प्रहरी कार्यालय हेटौडामा सरुवा भएको छ ।

प्रहरी प्रधान कार्यालयले २५ जना डिएसपीकाे सरूवा गरेकाे हाे । जसअनुसार १० जिल्लाका प्रहरी प्रमुख फेरिएका छन् । नियमित सरुवा निकाल्नुपर्ने बेला ठुलाे संख्यामा काज सरुवा गरिएको हो ।