रुकुम पश्चिमको त्रिवेणी गाउँपालिका वडा नम्बर २ को एक टोलमा नेकपा माओवादी केन्द्रको सहायक संगठन योङ्ग कम्युनिस्ट लिग (वाइसीयल)को वडा समिति गठन भएको छ । साविकको रुघा गाविस वडा नम्बर २ मा मानबहादुर कठायतको अध्यक्षतामा ४५ सदस्यीय समिति निर्माण भएको हो । जसको उपाध्यक्षमा वाकसिङ पुरी, सचिवमा निराजन कठायत, सह सचिवमा छविलाल कठायत र कोषाध्यक्षमा राजु मल्ल रहनुभएको छ ।

वाइसीय त्रिवेणी २ का अध्यक्ष छविलाल केसीको अध्यक्षतामा भएको भेलामा वाइसीयल गाउँपालिका सचिव रेशम पुनमगर, अनेरास्ववियू क्रान्तिकारीका कर्णाली प्रदेश सदस्य भिमदत्त बुढाथोकी, वाइसीयलका गाउँ सदस्य जीतबहादुर कठायत, दिनेश बुढाथोकी लगायतको उपस्थिति रहेको थियो । बैठकको संचालन वाइसीयलका वडा सचिव अर्जुन बुढाथोकीले गर्नुभएको थियो ।