नेपाली कांग्रेसको भातृ संगठन तरुण दल मुसीकोट नगरपालिका रुकुम पश्चिमले मोटरसाईकल र्याली निकालेको छ । तरुणदल मुसीकोटको दाेस्राे भेला अन्तरगत मुसीकोटमा मोटरसाईकल र्याली निकालिएको हो । भेला उद्घाटन पूर्व अहिले मुसीकोट नगरपालिका वडा नम्बर १ को बराहटाकुराबाट मोटरसाईकल र्याली सुरु भएको छ ।

र्याली नगरपालिकाको वडा नम्बर ७ को साँख पुगेर फिर्ता हुने नेपाली कांग्रेस मुसीकोटका सभापति प्रेम ओलीले जानकारी दिनुभयो । उहाँका अनुसार साँखबाट फर्किएको र्याली वडा नम्बर १ को सल्ले पुगेर पुनः बराहटाकुरा फर्किएर सम्पन्न हुने छ । त्यसपछि बालमन्दिरमा उद्घाटन समारोह हुने छ । उक्त समारोहपछि पार्टी कार्यालयमा बन्द सत्र संचालन हुने नगर पार्टी सभापति ओलीले बताउनुभयो ।