रुकुम पश्चिमको बाँफिकोट गाउँपालिका वडा नम्बर ६ का गोर्ख कुसारीले नेपाल कम्युनिष्ट पार्टी माओवादी केन्द्रको सहायक संगठन योङ कम्युनिष्ट लिग (वाइसीयल) नेपाल बाँफिकोट गाँउपालिकाका दुई वटा वडालाई पोशाक सहयोग गर्नुभएको छ । हाल अमेरिमा बस्दै आउनुभएका कुसारीले वाइसीयल बाँफिकाेट ६ र ७  लाई पोशाक सहयोग गर्नुभएको हो । 

कुसारीले युवाहरुको लागि करिब दुई लाख बराबरको पोशाक उपलब्ध गराउनु भएको छ । स्थानीय तहको चुनावलाई मध्यनजर गर्दै पोषाक सहयोग गरेको कुसारीले बताउनुभयाे । उहाँले ३ सय पिस माओवादी केन्द्रको चुनाव चिन्ह छापेको पोशाक सहयाेग गर्नुभएकाे हाे ।