नेपाल कम्युनिष्ट पार्टी माओवादी केन्द्रको सहायक संगठन योङ्ग कम्युनिष्ट लिग नेपाल बाँफिकोट गाउँपालिका रुकुम पश्चिमको अध्यक्षमा भुवन रसाइली चयन हुनु भएको छ । आज छिन्खेतमा भएको दोस्रो गाउँ सम्मेलनले रसाइलीको अध्यक्षतामा ८१ सदस्यीय गाउँपालिका समिति चयन गरेको हो ।

समितिको उपाध्यक्षमा विनोद कुसारी, भुवन कुसारी, हस्तबहादुर गुरुङ, काँसी चन्द, भरत खत्री, लालबहादुर केसी र रिता विसी चयन भएका छन् । सचिवमा खम्बु खत्री, सह सचिव दिलिप ओली, भरत विक, पोषण मल्ल, लक्ष्मी विक, शुशिल घर्ती, हर्कविर दाहाल, मोहन बुढाथोकी र कोषाध्यक्षमा कल्पना चन्द चयन भएका छन् । वाइसीएल इन्चार्जमा सौरभ केसी र सह इन्चार्जमा हर्क विकलाई तोकिएको छ ।

माओवादी केन्द्रका केन्द्रीय सदस्य राजकुमार शर्मा, वाइसीएल कर्णाली प्रदेश सहसंयोजक शैलेश शर्मा, माओवादी केन्द्रका केन्द्रीय महेन्द्र केसी, जिल्ला संयोजक गोविन्द रोका लगायतको उपस्थितिमा सम्मेलन सम्पन्न भएको हो । शौरभ केसीको अध्यक्षतामा भएको कार्यक्रमको सञ्चालन जोखबहादुर पुनले गर्नुभएको थियो स्वागत मन्तव्य भुवन विकले राख्नुभएको थियो ।