रुकुम पश्चिमको मुसीकोट नगरपालिका वडा नम्बर ८ ले जेष्ठ नागरिकलाई सम्मान गरेको छ । वडा कार्यालयमा एक कार्यक्रमको आयोजना गरी वडा कार्यालयमा एक कार्यक्रमको आयोजना गरी वडाले प्रेसर कुकर प्रदान गरेर सम्मान गरेको हो ।

नगरप्रमुख देविलाल गौतमले जेष्ठ नागरिकलाई प्रेसर कुकर प्रदान गर्नुभएको थियो ।  वडाध्यक्ष बुद्धिप्रसाद बुढाले वडाका १ सय ५८ जना जेष्ठ नागरिकलाई प्रेसर कुकरद्धारा सम्मान गरिएको जानकारी दिनुभयो । ६० वर्ष माथिका सबै जेष्ठ नागरिकलाई सम्मान गरिएको वडाध्यक्ष बुढाले  जानकारी दिनुभयो ।

हरेक आर्थिक वर्षमा कुनै न कुनै माध्यमबाट सम्मान गर्दै आइरहेको वडाले चालु आर्थिक वर्षमा पनि प्रेसर कुकर दिएर जेष्ठ नागरिकलाई सम्मान गरेको हो । सबै जेष्ठ नागरिकले ३÷३ लिटरका प्रेसर कुकर प्राप्त गरेका छन् ।