रुकुम पश्चिममा २ दिने खोज पत्रकारिता तालिम सञ्चालन हुने भएको छ । नेपाल पत्रकार महासंघ रुकुम पश्चिम शाखाको आयोजना र मुसिकोट नगरपालिकाको आर्थिक सहयोगमा खोज पत्रकारिता तालिम सञ्चालन हुने भएको हो ।  चैत्र १८ र १९ गते २ दिन जिल्लाको सदरमुकाम मुसीकोटमा तालिम सञ्चालन हुने पत्रकार महासंघले जनाएको छ ।

महासंघले जिल्ला स्थित क्रियाशिल पत्रकारहरुलाई खोज पत्रकारिता तालिममा सहभागी हुन अनुरोध समेत गरेको छ । २ दिन सञ्चालन हुने  खोज पत्रकारिता तालिमको सहजिकण खोज पत्रकारिता केन्द्रमा कार्यरत वरिष्ठ पत्रकार बावुराम विश्वकर्माले गर्नुहुने छ । खोज पत्रकारिता तालिमले जिल्लामा रहेका क्रियाशिल पत्रकारहरुलाई सहयोग हुनुका साथै क्षमता विकास अभिवृद्धि हुने पत्रकार महासंघ शाखा अध्यक्ष लक्ष्मण केसीले बताउनुभयो ।