नेपाल कम्युनिष्ट पार्टी नेकपा जिल्ला कमिटि रुकुम पश्चिमको बैठक बस्दैछ । आज सदरमुकाम खलंगा, सेरीगाउँ स्थित सहिद स्मृति सभा हलमा (प्रचण्ड माधव नेपाली समूहको) बैठक बस्न लागेको हो । बैठकमा पार्टीका स्थायी समिति सदस्य तथा कर्णाली प्रदेश इन्चार्ज जनार्दन शर्मा, सह इन्चार्ज प्रकाश ज्वाला लगायतका नेताहरुको उपस्थिति हुने जनाइएको छ ।

बैठकमा पार्टी केन्द्रले तय गरेका कार्यक्रमको कार्यान्वयन, जिल्लामा सञ्चालन भइरहेको सामाजिक, साँस्कृतिक रुपान्तरण अभियान, सहकार्य समूह, सहकारी निर्माण, परिचालन लगायतका विषयमा छलफल हुने जिल्ला सचिव विमलकुमार पुन मगरले जानकारी दिनुभयो । नेकपाले शुक्रबार मात्रै जिल्ला स्तरीय प्रशिक्षण भेला कार्यक्रम सम्पन्न गरेको थियो ।