मुसिकोट मा दुई दिने खोज पत्रकारिता तलिम सम्पन्न रुकुम पश्चिमको मुसिकोट मा सुरु भएको २ दिने खोज पत्रकारीता तालिम सम्पन्न भएको छ। चैत्र १८ गते सुरु भएको तामिम १९ गते सकिएको हो । दुई दिने खोज पत्रकारीता तालीमको आयोजना पत्रकार महासंघ रुकुम शाखाले गरेको हो ।

मुसीकाेट नगरपालिकाकाे सहयाेगमा तालिम भएकाे हाे । खोज पत्रकारिता तालिममा जिल्लामा रहेका २८ जना क्रियाशिल पत्रकारहरुको सहभागी रहेको थियो ।तालिममा खोज पत्रकारिता केन्द्रका वरिष्ठ पत्रकार बाबुराम विश्वकर्माले तालिम को सहजीकरण गर्नुभएको थियो ।

खोज पत्रकारिता तालिममा सहभागी क्रियाशिल पत्रकारहरु लाई प्रमाणपत्र प्रदान गरिएको पत्रकार महासंघ रुकुम शाखाका अध्यक्ष लक्ष्मन केसीले बताउनुभयो । समापन कार्यक्रममा बोल्दै प्रमुख अतिथि मुसीकाेट नगर प्रमुख देविलाल गौतमले आफ्नो ५ वर्षको कार्यकालमा आफुले गरेका विकास निर्माण सामाजिक कार्यमा गरेको विकासको काम देखिने गरि प्रचार नगरेको बताउनुभयो ।

राम्रो कामको पनि चर्चा गर्नुपर्ने र नराम्रो कामको खबरदारी गर्ने पत्रकारको काम भएकाले यसमा सचेत गराएमा आफू सचिने मौका पाउने आफुलाई सहयोग हुने नगर प्रमुख गौतमले बताउनुभयो । समापन कार्यक्रममा प्रमुख अतिथि मुसिकोट नगर प्रमुख देविलाल गौतम विशेष अतिथि प्रमुख जिल्ला अधिकारी परमान्द घिमिरे मुसिकोट नगरपालिकाका प्रमुख प्राशासकीय अधिकृत शेरबहादुर पुनको उपस्थिति रहेको थियो । कार्यक्रमको सन्चान पत्रकार महासंघ रुकुम शाखाका सचिव हिरा परियारले गर्नु भएको थियो ।