सहिद चिनबहादुर रोकाको २२ औं स्मृति दिवश मनाइएको छ । चिनबहादुर स्मृति प्रतिष्ठानको आयोजनामा सदरमुकाम खलंगा स्थित नेकपाको जिल्ला पार्टी कार्यालयमा शनिबार विहान स्मृति दिवश मनाइएको हो । नेकपा स्थायी समिति सदस्य तथा कर्णाली प्रदेश इन्चार्ज जनार्दन शर्मा, कर्णाली प्रदेश सह इन्चार्ज प्रकाश ज्वाला लगायतको नेताहरुको उपस्थितिमा स्मृति दिवश मनाइएको हो । स्मृति दिवशमा श्रदाण्जली मन्तव्य राख्ने नेताहरुले पार्टी चिनबहादुरको योगदानबारे चर्चा गरेका थिए ।

२०५५ साल माघ १ गते उहाँ मारिनुभएको थियो । १ गते सक्रान्ति पर्ने भएकाले पहिल्यैदेखि स्मृति प्रतिष्ठान र पार्टीले ३ गते नै स्मृति दिवश मनाउँदै आएका छन् । नेकपा एमालेको तत्कालिन खोलागाउँ कमिटि सदस्य रोकाको स्थायी ठेगाना हालको चौरजहारी नगरपालिका १० नम्बर वडामा हो । चिनबहादुर रोका स्मृति प्रतिष्ठानका अध्यक्ष पुस्तक चन्दको अध्यक्षता र सचिव सिताराम देवकोटाको सञ्चालनमा कार्यक्रम भएको थियो ।