नेपाल कम्युनिष्ट पार्टी (एकीकृत समाजवादी) जिल्ला कमिटी रुकुम पश्चिमको अगुवा कार्यकर्ता भेला तथा प्रशिक्षण कार्यक्रम सम्पन्न भएको छ । शहिद स्मृति प्रतिष्ठानकाे सभाहल मुसीकाेट ५ शेरिगाउमा कार्यक्रम सम्पन्न भएको हो । भेलामा सहभागिलाई प्रशिक्षण गर्दै प्रमुख अतिथि नेकपा एसका उप महासचिव डाक्टर विजय पौडेलले केपी ओली गरिब जनताका मुद्धा भन्दा पनि रेल र पानी जहाजको सपनामै लिप्त रहेको आरोप लगाउनुभयो । जनताका आधारभुत आवश्यकतालाई वेवास्ता गरि खाली भ्रमपुर्ण कुरा गरेर समय बर्बाद गरिरहेको उहाँकाे भनाइ थियाे ।

केपी ओलीमा भएको दम्भ, घमण्ड र फुटबन्दी स्वभावले गर्दा नै आफुहरुले बिद्रोह गरेको र त्यो बिद्रोह एउटा ऐतिहासिक बिद्रोह भएको उहाँले बत्ताउनुभयो । अब निवार्चन नजिकिदै गरेको अवस्थामा सबै नेता तथा कार्यकर्तालाई नेकपा एसलाई विजय बनाउनको लागि लाग्न पनि उहाँले निर्देशन गर्नुभयाे । भेलामा बोल्दै जिल्ला अध्यक्ष बिमल पुनले आजकाे आफुहरुको जनमास देखेर प्रतिक्रियाबादीहरको होस उड्को बत्ताउनुभयो । रुकुम पश्चिमका ७३ वडा मध्ये २७ वडामा आफुहरुले वडा कमिटि निमार्ण गरेको र बाँकी वडामा पनि छिट्टै कमिटि निमार्ण गर्ने उहाँले बताउनुभयो ।

जिल्ला अध्यक्ष पुनको अध्यक्षतामा भएकाे भेलामा नेकपा एसका उप महासचिव डाक्टर विजय पौडेलको प्रमुख आतिथ्यता रहेको थियो । त्यस्तै केन्द्रिय पोलीटव्यरो सदस्य शेरबहादुर केसी, केन्द्रीय कमिटि सदस्य ठकेन्द्रप्रकाश पुरी, केन्द्रिय सदस्य तथा रुकुम पश्चिम इन्चार्ज देवी ओली, सल्लाहाकार परिषद सदस्य बमबहादुर पुन लगायतका नेताहरुको उपस्थिति रहेको थियो । भेलाको सञ्चालन जिल्ला कमिटि सचिव हरि प्रसाद शर्माले गर्नुभएको थियो ।