नेकपा एस रुकुम पश्चिममा नयाँ नेतृत्व
नेपाल कम्युनिष्ट पार्टी एकीकृत समाजवादी रुकुम पश्चिमले जिल्लाको नयाँ नेतृत्व चयन गरेको छ । आज भएको जिल्ला भेलाले जिल्ला अध्यक्ष सहित १ सय ३ सदस्यीय जिल्ला कमिटि चयन गरेको हो । जिल्ला कमिटिको अध्यक्षमा हरिप्रसाद शर्मा, उपाध्यक्षमा माधवप्रसाद शर्मा र कल्याणी खड्का, सचिव सुरज परियार, उप सचिवमा धनराज खड्का, सिताराम देवकोटा र मोहविर विष्ट चयन भएका छन् ।
समाजवादीका केन्द्रीय उप महासचिव विजय पौडेलको प्रमुख आतिथ्यतामा भएको कार्यकर्ता भेलाले नयाँ जिल्ला कमिटि चयन गरेको हो । एक व्यक्ति एक पद भन्ने पार्टीको मुल नीति अनुसार नयाँ जिल्ला कमिटि चयन भएको बताइएको छ । यस अघिका अध्यक्ष विमलकुमार पुन केन्द्रीय सदस्य पनि हुनुहुन्छ । यसैले उहाँले अध्यक्ष छाडेर नयाँ जिल्ला कमिटि चयन गरिएको बताइएको छ ।
प्रकाशित मिति: मंगलबार, चैत २२, २०७८ २०:२९
प्रतिक्रिया दिनुहोस्
थप राजनीति
साताको लोकप्रीय
