आगामी स्थानीय तहको निर्वाचनका लागि रुकुम पूर्व म्यादी प्रहरीको अन्तिम नतिजा सार्वजनिक भएको छ ।  मुख्य तथा वैकल्पिक सूचीमा रहेका उम्मेदवारहरुको नामावली आज प्रकाशन भएको हो ।  जिल्लामा ३ सय २ जना मुख्य र ६२ जनाको नाम सार्वजनिक गरिएको जिल्ला प्रहरी कार्यालयका सूचना अधिकारी प्रहरी निरीक्षक दिपेन्द्र बानियाँले  जानकारी दिनुभयो ।

उत्तिर्ण भएका उम्मेदवारहरुलाई चैत्र २७ गते आइतबार जिल्ला प्रहरी कार्यालयमा सम्पर्क गर्न जिल्ला प्रहरी कार्यालयले अनुरोध गरेको छ । कार्यालयमा आउँदा जिल्ला प्रहरी कार्यालयले उपलब्ध गराएको प्रवेश पत्र र नेपाली नागरिकताको प्रमाण पत्र साथमा ल्याउन भनिएको छ ।