रुकुम पश्चिमको मुसीकोट नगरपालिकामा सामुदायिक योग विज्ञान शिविर सुरु भएको छ । सात दिने योग शिविरको आज बिहान मुसीकोट नगर आयुर्वेद शाखाका कबिराज निरीक्षक (अधिकृत छैटौं) राजेन्द्र केसीले उद्घाटन गर्नुभयो । मुसीकोट नगरपालिकाको आर्थिक सहयोगमा सत्य मिसन योग फाउण्डेशन चौरजहारीले शिविरको आयोजना गरेको हो । योगको माध्यमबाट प्रतिरक्षा क्षमताको विकास गर्न, मानसिक स्वास्थ्य र विभिन्न दीर्घ रोग न्युनिकरण गर्ने उदे्श्यले शिविर आयोजना आयोजना गरिएको आयोजकले जनाएको छ ।

शिविरमा ५० बढीको सहभागिता रहेको छ । शिविर मुसीकोट नगरपालिका १ खलंगाको बराहटाकुरास्थित कबर्डहलमा बिहान ५ बजेदेखि साढे ६ बजेसम्म संचालन भइरहेको छ । सत्य मिसन योग फाउण्डेशन चौरजहारीका अध्यक्ष समोज देवकोटाको अध्यक्षतामा भएको उद्घाटन कार्यक्रमको संचालन फाउण्डेशनका सह प्रशिक्षक डम्बरबहादुर ओलीले गर्नुभएको थियो । फाउण्डेशनले विभिन्न ठाउँहरुमा योग शिविर संचालन गर्दै आईरहेको छ । यो शिविर सकिएपछि जिल्ला कारागारमा शिविर संचालन गर्ने फाउण्डेशनले जनाएको छ ।