रुकुम पश्चिम सानीभेरी गाउँपालिकाबाट काठमाण्डौंका लागि छुटेको बस दुर्घटनामा कुनै मानविय क्षेती भएको छैन । जिल्ला प्रहरी कार्यालयका प्रहरी निरीक्षक डेकेन्द्र शर्माले १४ जना यात्रु सामान्य घाइते भएको र उनिहरुको उद्दार भइसकेको जानकारी दिनुभयो । मुसीकोट नगरपालिका ७ मा दिउँसो बा ३ ख ९६६५ नम्बरको बस दुर्घटना भएको थियो ।

मध्यपहाडी लोकमार्ग भएर दुर्घटना भएको बसमा २२ जना यात्रु सवार रहेको बताइएको छ । ब्रेकको पाइप फुटेपछि चालकले उक्त गाडि भित्तामा ठोकाएका थिए । घटनापछि जिल्ला प्रहरी प्रमुख प्रहरी नायव उपरीक्षक विष्णु सोती लगायतको टोली घटना स्थल पुगेको थियो ।