रुकुम पश्चिमको क्रियाशिल पत्रकारहरुको निःशुल्क आँखा जाँच गरिएको छ । नेपाल पत्रकार महासंघ रुकुम पश्चिमले निःशुल्क आँखा जाँच गराउने व्यवस्था मिलाएको हो । रुकुम आँखा उपचार केन्द्र सल्लेको प्राविधिक सहयोगमा आँखा जाँच शिविर आयोजना गरिएको थियो ।

सल्लेमा पुगेका पत्रकारहरुको आँखा चेकजाँच गरिएको थियो भने निःशुल्क औषधी पनि वितरण गरिएको छ । आँखा उपचार केन्द्रका इन्चार्ज धनबहादुर केसीले अधिकांशको आँखामा सुख्खापनको समस्या देखिएको बताउनुभयो । सुख्खापन देखिएको र चश्मा लाउनुपर्ने सबैलाई औषधी दिइएको केसीले जानकारी दिनुभयो ।

नेपाल पत्रकार महासंघ रुकुमको छैठौं जिल्ला अधिवेशन सम्पन्न भएको एक वर्ष पुगेको अवसर पारी आँखा जाँच शिविर आयोजना गरिएको महासंघका अध्यक्ष लक्ष्मण केसीले जानकारी दिनुभयो । रिर्पोटिङमा हिडिराख्नुपर्ने पत्रकारहरुको स्वास्थ्यमा ख्याल गर्नुपर्छ भन्ने सन्देश दिन आँखा जाँच शिविर आयोजना गरिएको अध्यक्ष केसीले बताउनुभयो ।