भिम बुढा

रुकुम पश्चिम मुसिकोट नगरपालिका वडा नम्बर ८ आयोजित भलिबल प्रतियोगिता सम्पन्न भएको छ । वाइसीएको ८ नम्बर वडा समितिले आयोजना गरेको खुला शुद्ध वडा स्तरीय पुरुष भलिबल प्रतियोगिता सम्पन्न भएको हो ।

रुकुम पुर्व र रुकुम पश्चिमका विभिन्न वडाका टिमले प्रतिस्पर्धा गरेको भलिबल प्रतियोगितामा  मुसिकोट नगरपालिका ९ प्रथम  भएको छ ।  प्रथम भएको चौखावाङले नगद २५ हजार प्रमाण पत्र प्राप्त गरेको छ । त्यस्तै दोस्रो स्थानमा चित्त बुझाएको मुसिकोट नगरपालिका ७ ले  नगद १५ हजार प्रमाण पत्र  हात पार्दा मुसीकोट नगरपालिका ९ को बी टिमले तेस्रो  हुँदै नगद १० हजार प्रमाण पत्र प्राप्त गरेको छ ।

रुकुम पुर्व भुमे गाउँपालिका वडा नम्बर ९ ले सान्त्वना हुँदै नगद ५ हजार प्रमाण पत्र पाएको छ । भलिबल प्रतियोगितामा २१ टिमले प्रतिसप्रधा गरेका थिए । यस्तै भाले रेस घैटोफोर एकल नृत्य लोक दोहोरी रस्साकस्सी  प्रतियोगिता पनि सञ्चालन भएको  खेल संयोजक बासुदेव बुढाले  बताउनुभयो ।