नेपाली कांग्रेस बाँफिकोट गाउँपालिका रुकुम पश्चिमले स्थानीय तहको निर्वाचनका लागि उम्मेदवार चयन गरेको छ । छिन्खेतमा बसेको पार्टीको बैठकले गाउँपालिका अध्यक्ष र उपाध्यक्षका लागि सर्वसम्मत उम्मेदवार चयन गरेको छ । बैठकले अध्यक्षमा जनककुमार बाँठा मगर र उपाध्यक्षमा नन्दा केसी नाथलाई चयन गरेको हो ।

बाँठा पार्टीको पालिकाको सभापति हुनुहुन्छ भने केसी नेपाल महिला संघको पालिका सभापति हुनुहुन्छ । बाँठा २०७४ सालको स्थानीय तहमा पनि कांग्रेसका तर्फबाट उम्मेदवार हुनुहुन्थ्यो । उहाँ माओवादी केन्द्रका धर्मबहादुर केसीसँग पराजित हुनु भएको थियो । २०७४ सालमा कांग्रेस एमाले गठबन्धन गरेर निर्वाचनमा गएका थिए ।