रुकुम पूर्वको पुथाउत्तरगंगा गाउँपालिकामा  चालु  आर्थिक वर्ष २०७८/०७९ मा रोजगार कार्यक्रम मार्फत सात सय चार जनाले रोजगार पाएका छन् । गाउँपालिकाले सात सय चार जनालाई रोजगारी दिएको हो । गाउँपालिकामा आएको ५८ लाख रुपैयाँ बाट पदमार्ग, खाने पानी पाईन लाईन बिस्तार, विद्यालय खेलकुद मैदान निर्माण, सरसफाई तथा ढल निकास  निर्माण साथै ७ नम्बर वडाको कार्यालयको फिल्ड निर्माण भएको गाउँपालिकाका रोजगार सहायक प्राविधिक दिपक बुढाथोकी  जानकारी दिनुभयो । एक जनालाई १ सय दिन बराबर काम गराइएको गाउँपालिकाको दाबी छ । उनिहरुले दैनिक ५ सय ७७ रुपैयाँ ज्याला पाएका थिए ।