आगामी शुक्रबार अर्थात वैशाख ९ बाट हुने यस वर्षको एसईईको परीक्षामा रुकुम पश्चिमबाट ४ हजार २ सय ३० जना विद्यार्थी सहभागि हुँदैछन् । जिल्लाका विभिन्न २३ केन्द्रबाट नियमिततर्फ र ग्रेड वृद्धिका लागि २ हजार १ सय २ छात्र र २ हजार १ सय २८ छात्राले परीक्षा फाराम भरेको शिक्षा विकास तथा समन्वय इकाइले जनाएको छ ।

इकाइका सूचना अधिकारी डायमण्ड पुनका अनुसार नियमिततर्फ साधारण अन्तर्गत ४ हजार १ सय ४४ जना र प्राविधिकतर्फ ४८ जना गरी ४ हजार १ सय ९२ जनाले परीक्षा फाराम भरेका छन् । ग्रेडवृद्धितर्फ साधारण र प्राविधि गरी ३८ जनाले एसईईको परीक्षा फाराम भरेका छन् ।

समन्वय इकाइ प्रमुख ताराप्रसाद पुनले परीक्षाको सम्पूर्ण तयारी पूरा भइसकेको जानकारी दिनुभयो । केन्द्राध्यक्ष तोक्ने तथा अरु आधारभुतमध्यका केही काम भइरहेको र धेरै व्यवस्थापनका काम गरिसकेको पुनले बताउनुभयो ।