रुकुम पश्चिमको बाँफिकोट गाउँपालिका २ का ४ घर आगलागी पीडितलाई खाद्यान्न सहयोग गरिएको छ । वनबाट सल्कदै आएको आगोले घर र घरभित्र रहेको सम्पूर्ण सामग्री जलेका ४ घर परिवारलाई चामल, तेल र नुन सहयोग गरिएको हो । वडाध्यक्ष धनबहादुर खत्री र स्थानीय व्यापारी मञ्जित नाथल व्यक्तिगत रुपमा चामल, नुन, तेल सहयोग गर्नुभएको हो ।

भोटेघर र साजरुख भन्ने ठाउँका कैले कामी, मैसर कामी, देउदत्त कामी र भावना कामीको परिवारलाई ३० किलोका १० बोरा चामलको साथमा नुन, तेल पनि सहयोग गरिएको छ । घरको सम्पूर्ण सामग्री जलेको र तत्काल राहतका लागि यो सहयोग गरिएको वडाध्यक्ष खत्रीले बताउनुभयो ।