हरेक पटक झडप भइरहने रुकुम पश्चिमको आठबीसकोट नगरपालिकामा आज पनि झडप भइरहेको छ । विहानदेखि राडी बजारमा झडप भइरहेको हो । नेकपाका कार्यकर्ता र नेपाली कांग्रेसका कार्यकताबीच झडप भएको हो । सोमबार एक अर्का पक्षले विवाद सुरु गरेका थिए । सोमबार विवाद भइरहेको ठाउँमा गएर प्रहरीले उक्त विवाद साम्य पारेको थियो । आज विहान फेरि पूरानै विषयलाई लिएर झडप सुरु भएको थियो ।

पूरानै विषयलाई लिएर विवाद भइरहेको जिल्ला प्रहरी कार्यालय प्रमुख प्रहरी नायव उपरीक्षक ध्रुबकुमार श्रेष्ठले बताउनुभयो । विवाद समाधानका लागि छलफल भइरहेको बेला एक पक्षले अर्को पक्षलाई आक्रमण गरेपछि तनावपूर्ण अवस्था सिर्जना भएको प्रहरीले जनाएको छ । अवस्था नियन्त्रणमा लिन प्रहरीले ९ राउण्ड हवाई फायर गरेको छ यत्तिले पनि अवस्था उस्तै रहेपछि थप सुरक्षाकर्मीको टोली राडी पठाइएको डिएसपी श्रेष्ठले बताउनुभयो । झडपका क्रममा ९ नम्बर वडाध्यक्ष तारकबहादुर शाही घाइते भएको बताइएको छ । झडप भइरहेका कारण कसैलाई नियन्त्रणमा लिने थप अनुसन्धानको काम अघि नबढेको डिएसपी श्रेष्ठले जानकारी दिनुभयो ।