रुकुम पश्चिमको त्रिवेणी गाउँपालिका वडा नम्बर २ को सिम्रतु देखि वडा नम्बर ३ को खारानेटासम्मको बाटो एक साता बन्द हुने भएको छ । राप्ती लोकमार्ग अन्तरगत पर्ने उक्त खण्डमा कालोपत्रेको काम हुने भएकोले भोली देखि एक साता बाटो बन्द हुने भएको हो । 

जिल्ला प्रशासन कार्यालयले आज एक सूचना जारी गर्दै भोली बैशाख ८ गतेदेखि बैशाख १४ गतेसम्म हरेक दिन बिहान १० बजेबाट अपरान्ह ४ बजेसम्म बाटो बन्द हुने जनाएको छ । सडक डिभिजन कार्यालयको पत्र अनुसार सडक कालोपत्रे गर्नुपर्ने भएकाले एक साता सवारी आवागमण बन्द गरिएको जिल्ला प्रशासन कार्यालयले जनाएको छ ।