रुकुम पश्चिमको मुसीकोट नगरपालिका वडा नम्बर ९ हिल गाउँमा भकारो सुधार निर्माणको काम सम्पन्न भएको छ । हिल गाउँमा यो आर्थिक वर्षमा ३९ वटा भकारो सुधार भएका छन् । एस.सि.पि संस्थाको आर्थिक सहयोग हिल गाउँमा भकारो सुधारकाे काम भएको हो । पशुपालन गर्ने किसानको लागि सहज होस भनेर भकारो सुधार गरिएको भकारो सुधार निर्माण समितिका अध्यक्ष शशिराम बुढाले बताउनुभयो ।

अध्यक्ष बुढाका अनुसार एस.सी.पि संस्थाको आर्थिक सहयोगमा ३ टोलमा भकारो सुधारको काम भैरहेको छ । ती मध्य हिल गाउँमा भने भकारो सुधारको काम सकिएको उहाँले बताउनुभयो । बालुवा, सिमेन्ट, गिट्टीको प्रयोग गरेर पक्कि भकाराे निर्माण गरिएको छ । अब पशु चौपायाका साथै किसानलाई पनि सहज हुने स्थानीय बिशाल ओलीकाे विश्वास छ ।