नेकपा एमाले रुकुम पश्चिमले जिल्लाका सबै स्थानीय तहका उम्मेदवार तोकेको छ । पार्टीले आज जिल्लाका तीन नगरपालिका र तीन वटै गाउँपालिकाका लागि प्रमुख, उपप्रमुख र अध्यक्ष, उपाध्यक्ष टुंगो लगाएको हो । एमालेले मुसीकोट नगरपालिकाको प्रमुखमा थलबिर ओली र उप प्रमुखमा चन्द्री महतारालाई उम्मेदवार बनाएको छ । चौरजहारीमा टंकप्रसाद ओलीलाई प्रमुख र डण्डी कार्कीलाई उप प्रमुखको उम्मेदवार बनाएको एमालेले आठबीसकोट नगरपालिकामा दिनेश चन्दलाई प्रमुख र कृष्णाकुमारी मल्ललाई उप प्रमुखको उम्मेदवार बनाउने निर्णय गरेको छ । 

त्यस्तै गाउँपालिका अन्तरगत बाँफिकोटको अध्यक्षमा गणेशबहादुर केसी र उपाध्यक्षमा देउमी पौडेल, त्रिवेणीको अध्यक्षमा डिल्लीबहादुर ओली र उपाध्यक्षमा धनकला बिष्ट तथा सानीभेरीको अध्यक्ष प्रकाश खड्का र उपाध्यक्षमा पबित्रा डाँगीलाई उम्मेदवार बनाएको नेकपा एमाले रुकुम पश्चिमका प्रचार विभाग प्रमुख कर्णबहादुर ओलीले जानकारी दिनुभयो । आज बसेको जिल्ला कमिटी बैठकले जिल्लाका सबै पालिकामा उम्मेदवार टुंग्याएर पार्टीको कर्णाली प्रदेश कमिटीमा सिफारिस गरेको उहाँले बताउनुभयो ।