जनता समाजवादी पार्टी रुकुम पश्चिमले नगर प्रमुख र गाउँपालिका अध्यक्षहरु सिफारिस गरेको छ । पार्टीले आज नगर प्रमुख र अध्यक्ष मात्र सिफारिस गरी कर्णाली प्रदेशमा पठाएको हो । यसैबाट पार्टीले उप प्रमुख र उपाध्यक्ष तोक्न सक्ने जनता समाजवादी पार्टी रुकुम पश्चिमले जनाएको छ ।
उक्त पार्टीले मुसीकोट नगरपालिकाको प्रमुखका लागि प्रेम बोहरा र हेमराज बोहरालाई सिफारिस गरेको छ । चौरजहारीमा पर्शाराम खत्री, कुलबहादुर बिष्ट, नारायण गिरी र प्रेम आचार्य तथा आठबीसकोट नगरपालिकाबाट नवराज बुढालाई नगर प्रमुखका रुपमा सिफारिस गरिएको जनता समाजवादी पार्टी रुकुम पश्चिमका अध्यक्ष पर्शाराम खत्रीले जानकारी दिनुभयो ।
उहाँले दिएको जानकारी अनुसार पार्टीले बाँफिकोट गाउँपालिकामा शरुण बाँठामगरलाई अध्यक्षका रुपमा सिफारिस गरेको छ । त्रिवेणी गाउँपालिकाका लागि ४ जना अमर ओली, दलबहादुर घर्ती, तारा घर्ती र देविलाल ओली तथा सानीभेरीको अध्यक्षका लागि टेकम बाँठामगर, भरत खत्री र मिमकुमार ओलीको नाम सिफारिस गरिएको छ ।
गठनबन्धनमा हालसम्म सहमति जुट्ननसकेको अवस्थामा पार्टीका तर्फबाट उम्मेदवार सिफारिस गरिएको र सहमति भएमा सोही अनुसार हुने पार्टी अध्यक्ष खत्रीले बताउनुभयो । पार्टीका तर्फबाट उम्मेदवारको अन्तिम टुंगो ११ गते ३ बजेसम्म लाग्ने उहाँको भनाई छ ।
