रुकुम पश्चिमको त्रिवेणी गाउँपालिकाको अध्यक्षका लागि नेपाल कांग्रेसका अम्मरसिंह खड्काको मनोनयन दर्ता भएको छ । उपाध्यक्ष सहित अन्य पदका उम्मेदवारहरु मनोनयन दर्ताको लाईनमा रहेका छन् । अहिलेसम्म अध्यक्षको मनोनयन दर्ता भइसकेको र अन्य उम्मेदवारहरु लाईनमा रहेको त्रिवेणीका निर्वाचन अधिकृत कृतिबहादुर बस्नेतले जानकारी दिनुभयो । 

रुकुम पश्चिममा अहिलेसम्म गठबन्धनमा भागबण्डा मिलेको छैन् । जसका कारण आज दलहरुको तर्फबाट मनोनयन दर्ता भएको छैन् । तर त्रिवेणी गाउँपालिकामा भने कांग्रेसका उम्मेदवारहरुले मनोनयन दर्ता गराईरहेका छन् । अहिलेसम्म बाँफिकोट गाउँपालिकामा राष्ट्रिय जनमोर्चाका उम्मेदवारहरु मनोनयन दर्ताका लागि पुगेको जानकारी प्राप्त हुनुबाहेक अन्य स्थानीय तहमा दलका तर्फबाट आज कुनैपनि पदमा मनोनयन हुन सकेको सकेन् । 

अव सबै दलहरुले भोली नै मनोनयन गराउने देखिएको छ । सत्ता गठबन्धनमा भागबण्डा नमिल्दा आज पहिलो दिन मनोनयन दर्ता हुन नसकेको हो । स्थानीय तहको निर्वाचनका लागि भोलीसम्ममा उम्मेदवारहरुले मनोनयन दर्ता गर्न सक्ने छन् ।