नेकपा माओवादी केन्द्र मुसीकोटले नगरका १४ वडाका अध्यक्षका उम्मेदवार टुंग्याएको छ । केही वडामा पुरानै अनुहारलाई दोहोर्याईएको छ भने अधिकांश वडामा नयाँलाई अवसर दिईएको छ । माओवादीले वडा नम्बर १ मा डम्बर थापा, २ मा दलबहादुर खड्का, ३ मा लोकवहादुर ददेल, वडा नम्बर ४ निर्मलकुमार पुन, वडा नम्बर ५ मा शुसिल गौतम र वडा नम्बर ६ मा भानु मल्ललाई वडाध्यक्षको उम्मेदवार बनाएको छ ।

त्यस्तै वडा नम्बर ७ मा एक्कवहादुर पाण्डे, वडा नम्बर ८ मा बुद्धिप्रसाद बुढा, वडा नम्बर ९ मा शसिराम पुन, वडा नम्बर १० मा धनबहादुर खड्का, वडा नम्बर ११ मा गोविन्द पुन, वडा नम्बर १२ मा धिरन शिर्पाली, वडा नम्बर १३ मा खलबहादुर खड्का र वडा नम्बर १४ मा चन्द्रबहादुर बिष्टले वडाध्यक्षको टिकट पाउनुभएको छ । वडा नम्बर ४, ५, ८ र १२ मा पुरानै व्यक्ति उम्मेदवार बन्दा अन्य वडामा नयाँ व्यक्ति हुन् । माओवादीले मुसीकोटको प्रमुखमा वसन्त शर्मा र उप प्रमुखमा मिलन खड्कालाई उम्मेदवार बनाएको छ ।