रुकुम पश्चिमको मुसीकोट नगरपालिकाको प्रमुखका लागि स्वतन्त्र उम्मेदवारी परेको छ । गत स्थानीय तहको निर्वाचनमा नेपाली कांग्रेसबाट मुसीकोट १ को वडाध्यक्षमा निर्वाचित बिरबल केसीले नगर प्रमुखमा स्वतन्त्र उम्मेदवारी दिनुभएको हो । मुख्य निर्वाचन अधिकृतको कार्यालयमा आएर केसीले नगर प्रमुखमा स्वतन्त्र उम्मेदवारी दिएको सहायक निर्वाचन अधिकृत विष्णुप्रसाद पौडेलले जानकारी दिनुभयो ।

त्यस्तै वडा नम्बर १ को अध्यक्षका लागि पनि स्वतन्त्रबाट उम्मेदवारी परेको छ । नेपाली कांग्रेसको भातृ संगठन तरुण दलका मुसीकोट नगर निर्वाचन परिचालन समितिका संयोजक कालीबहादुर महताराले वडा नम्बर १ को अध्यक्षका लागि स्वतन्त्र उम्मेदवारी दिनुभएको हो ।