रुकुम पश्चिमको मुसीकोट नगरपालिकाको माओवादीको तर्फबाट वसन्तकुमार शर्माको उम्मेदवारी परेको छ । जिल्ला समन्वय समितिमा स्थापना गरिएको मुख्य निर्वाचन अधिकृतको कार्यालयमा पुगेर शर्माले प्रमुखमा उम्मेदवारी दिनुभएको हो । उपप्रमुखमा भने नेकपा एकीकृत समाजवादीका विमलकुमार पुनले उम्मेदवारी दिनुभएको छ ।

मुसीकोट नगरपालिकामा माओवादी र समाजवादीको गठबन्धन भएको छ । गठबन्धनकै हैसियतमा उहाँहरुको उम्मेदवारी परेको हो । प्रमुख, उपप्रमुख सहित सम्पूर्ण वडा अध्यक्ष र वडा सदस्यमा उम्मेदवारी दर्ता भइसकेको छ । सेरीगाउँबाट सुरु भएको र्याली बाल मन्दिर प्रांगनमा कोण सभामा परिनत भइ मनोनयन दर्ता कार्यका लागि मुख्य निर्वाचन अधिकृतको कार्यालयसम्म पुगेको थियो ।