रुकुम पूर्वका तीन वटै गाउँपालिकामा माओवादीले मनोनयन दर्ता गराएको छ । पुथाउत्तरगंगा गाउँपालिका, भूमे र सिस्ने गाउँपालिकामा पार्टीको तर्फबाट उम्मेदवारी दिने काम सम्पन्न भएको माओवादी केन्द्र रुकुमले पूर्वले जनाएको छ । पुथाउत्तरगंगा गाउँपालिकाको अध्यक्षमा पार्टीको जिल्ला समिति सचिव तथा प्रदेश समिति सदस्य पुनिराज घर्ती र उपाध्यक्षमा भुपेन्द्रा पुनले मनोनयन दर्ता गर्नुभएको छ ।

१४ वडा र सदस्यहले पनि मनोनयन दर्ता गरेको जनाइएको छ । भूमे गाउँपालिकाको अध्यक्षमा होमप्रकाश श्रेष्ठ र उपाध्यक्षमा सविना बुढाको मनोनयन दर्ता भएको छ । सिस्ने गाउँपालिकाको अध्यक्षमा कृष्ण रेग्मी र उपाध्यक्षमा आस्था विकले मनोनयन दर्ता गर्नुभएको हो । निर्वाचन आयोगले तोकेको मनोनयनको दोस्रो दिनमा माओवादीले उम्मेदवारी दर्ता गराएको हो ।