रुकम पश्चिमको सानीभेरी गाउँपालिकामा माओवादी केन्द्रबाट उम्मेदवारी  दर्ता भएको छ । अध्यक्षमा बिर्खबहादुर विष्ट र उपाध्यक्षमा कमला रोका पु्नले मनोनयन दर्ता गराउनुभएको हो । नेता कार्यकर्ता सहित निर्वाचन अधिकृतको कार्यालयमा पुगेर अध्यक्षमा विष्ट र उपाध्यक्ष रोका पुनले मनोनयन दर्ता गराएका हुन ।

माओवादी केन्द्र सानीभेरीको अध्यक्ष, उपाध्यक्ष सहित ११ वटै वडा अध्यक्ष र सदस्यहरुको मनोनयन दर्ता भैरहेको निर्वाचन कार्यालय सानीभेरीले जनाएको छ । माओवादीबाट नम्बर १ को अध्यक्षमा टेकबहादुर पुन,  वडा नम्बर २ मा मानबहादुर पुन, वडा नम्बर ३ मा जगदिश नकाल  वडा नम्बर ४ मा खड्कबहादुर चन्दले उम्मेदवारी दिनुभएको छ ।

वडा नम्बर ५ मा तिर्थबहादुर खत्री  वडा नम्बर ६ मा पहलसिङ घर्ती  वडा नम्बर ७ मा कुलबहादुर बुढाले उम्मेदवारी दिनुभएको छ । वडा नम्बर ८ मा प्रेमबहादुर विक  वडा नम्बर ९ मा शेरबहादुर खड्का वडा नम्बर १० मा  टिकाराम खड्का र वडा नम्बर ११ मा भुपालसिङ ओलीले उम्मेद्धारी गराएका छन् । २०७४ को स्थानिय तह निर्वाचनमा  पालिका अध्यक्ष र उपाध्यक्ष सहित १० वटा वडा माओवादी केन्द्रले जित हासिल गरेको थियो । बाँकी १ वटा वडामा नेपाली कांङग्रेसले जितेको थियो ।