आगामी बैशाख ३० गतेको स्थानीय निर्वाचनमा आफ्नो पार्टीबाट उम्मेदवारी दिएका ५७ जना उम्मेदवारहरुलाई विजयी बनाउन नेपाल कम्युनिष्ट पार्टी माओवादी केन्द्र सानीभेरीले पार्टीको चुनावी अभियानको सुरुवात गरेको छ निर्वाचन केन्द्रित कार्यक्रम अन्तर्गत आज सानीभेरी गाउँपालिका वडा नं ७ को छोटेबगरमा नेकपा माओवादी केन्द्रका केन्द्रिय सदस्य राजकुमार शर्माको प्रमुख आतिथ्यता¸ प्रदेश कमिटी सदस्य बिमला केसीको विशेष आतिथ्यता तथा प्रदेश कमिटीका सदस्यहरु¸ जिल्ला समन्वय समितिका सदस्यहरु¸ सानिभेरी गाउँकमिटीका पदाधिकारी तथा सदस्यहरु¸ पार्टीबाट उम्मेदवारी दिएका सबै उम्मेदवारहरु लगाएतको बैठक बसी बैशाख १४ गते देखि संचालन हुने चुनावी अभियानको कार्यतालिका पास गरेको हो । पार्टीको निर्वाचन परिचालन समितिका संयोजक नरबहादुर पुनले आगामी बैशाख ५ गते सम्मको निर्वाचन केन्द्रित कार्यक्रम सार्वजनिक गर्नुभएको थियो । उक्त निर्वाचन केन्द्रित कार्यक्रममा उम्मेदवारी मनोनयन देखि सपथ ग्रहण र पदभार ग्रहण सम्मको कार्यक्रम पेश गरिएको गरिएको छ ।

निर्वाचन परिचालन समितिका संयोजक पुनले पेश गरेको कार्यक्रममा एक वटा वडामा ३ वटा सम्म भेला तथा सभाको आयोजना गर्ने गरी कार्यक्रम तय गरिएको छ । वडा नं ११ बाट सुरु भएर बैशाख २७ गते सानीभेरी गाउँपालिकामा बृहत जनसभा गरी चुनावि प्रचार अभियान सम्पन्न गर्ने बताइएको छ । बैठकमा प्रमुख अतिथि तथा नेकपमा माओवादी केन्द्रका केन्द्रिय सदस्य राजकुमार शर्माले सानीभेरी गाउँपालिकामा ११ वटै वडामा विजय हाँसि गर्नेगरी चुनाव अभियानमा केन्द्रित हुन निर्देशन दिनुभएको छ ।

त्यस्तै प्रदेश कमिटी अध्यक्ष बिमला केसीले माओवादी केन्द्रको सरकारले अहिले सम्म गरेका कामहरुलाई संस्थागत तथा आगामी कार्यकालमा जनपक्षिय काम गर्ने योजना बनाई अघि बढ्न सल्लाह दिनुभएयो । उहाँले पार्टीले सबैवडामा क्लिन स्वीप गर्नुपर्ने र हार्ने अधिकार कसैलाई नभएको समेत बताउनु भयो । निर्वाचन परिचालन समितिका संयोजक नरबहादुर पुनको अध्यक्षतामा भएको बैठको संचालन पार्टीका गाउँकमिटी सचिव टेक बहादुर पुनले गर्नुभएको थियो ।